٨٤٥٧۔۔۔ ابزی خزاعی عبدالرحمن کے والد سے روایت ہے فرماتے ہیں : ایک دن رسول اللہ (صلی اللہ علیہ وآلہ وسلم) نے خطبہ دیا : اور مسلمانوں کی جماعتوں کی اچھی تعریف کی، پھر فرمایا : ان لوگوں کو کیا ہوا جو اپنے پڑوسیوں میں دین کین سمجھ پیدا نہیں کرتے، نہ انھیں تعلیم دیتے ہیں اور نہ وعظ نصیحت کرتے ہیں ، نہ نیکی کا حکم دیتے ہیں اور نہ برائی سے روکتے ہیں ۔
اور ان لوگوں کو کیا ہوا جو اپنے پڑوسیوں سے نہ سیکھتے ہیں اور نہ دین کی سمجھ حاصل کرتے ہیں ، اور نہ جان بوجھ پیدا کرتے ہیں ، اور اللہ تعالیٰ کی قسم لوگ اپنے پڑوسیوں کو تعلیم دیں گے، انھیں سمجھ بوجھ اور دین کی نقاہت دیں گے، اور انھیں نیکی کا حکم دیں گے اور برائی سے منع کریں گے، اور ضرور کچھ لوگ اپنے پڑوسیوں سے علم حاصل کریں گے، دین کی سمجھ بوجھ اور
ہوشیاری پیدا کری گے ورنہ اللہ تعالیٰ فرماتے ہیں میں دنیا میں انھیں عذاب دینے میں جلدی کروں گا۔
پھر آپ منبر سے اترے اور اپنے گھر تشریف لے گئے، تو کچھ لوگوں نے کہا : تمہارے گمان میں آپ کی مراد کون لوگ تھے ؟ تو انھوں نے کہا : آپ کی مراد شعریین کے لوگ کیونکہ وہ دین کی سمجھ بوجھ رکھنے والے ہیں ، جبکہ ان کے پڑوسی سخت مزاج پانی اور دیہات والے ہیں ، یہ بات اشعریین تک پہنچی تو وہ رسول اللہ (صلی اللہ علیہ وآلہ وسلم) کی خدمت میں حاضر ہوئے اور عرض کرنے لگے : یارسول اللہ ! آپ نے ایک قوم کا ذکر بھلائی سے کیا جبکہ ہمارا ذکر برائی سے کیا، ہماری خطا کیا ہے ؟ آپ نے فرمایا : ایک قوم اپنے پڑوسیوں کو ضرور علم دے گی، دین کی سمجھ اور دانائی کی باتیں سکھاتے رہیں گے انھیں نیکی کا حکم اور برائی سے روکتے رہیں گے اور کچھ لوگ ضرور اپنے پڑوسیون سے علم، آگاہی اور دین کی سمجھ حاصل کرتے رہیں گے یا میں انھیں دنیا میں ( سزا) عذاب دوں گا ، تو وہ عرض کرنے لگے : یارسول اللہ ! کیا ہمارے علاوہ کا شگون ہے ؟ تو آپ نے اپنی بات دہرائی اور انھوں نے بھی وہی کہا : کیا ہمارے علاوہ کسی کا شگون مراد ہے ؟ آپ نے فرمایا : یہ بھی ایسا ہے۔
انھوں نے عرض کیا : ہمیں ایک سال کی مہلت دیں تو آپ نے انھیں ایک سال کی مہلت دی تاکہ وہ انھیں دین کا علم سکھائیں اور ان میں سمجھ بوجھ پیدا کریں ، پھر آپ (صلی اللہ علیہ وآلہ وسلم) نے یہ آیت پڑھی ” بنی اسرائیل کے ان کے لوگوں پر جو کافر و ہوئے داؤد اور عیسیٰ بن مریم کی زبانی لعنت کی گئی یہ اس وجہ سے کہ وہ نافرمانی کرتے اور حد سے گزر جاتے تھے، اور جو گناہ وہ کرتے اس سے ایک دوسرے کو روکتے نہ تھے کیا برا کام تھا جو وہ کرتے تھے۔ “(ابن راھویہ، بخاری فی الوحدان وابن السکن، وابن مندہ والباوردی، طبرانی فی الکبیر و ابونعیم وابن مردویہ، ابن عساکر، قال ابن السکن مالہ غیرہ واسناد صحیح)