٨٤٨٥۔۔۔ سدی سے روایت ہے فرماتے ہیں : حضرت عمربن خطاب (رض) باہر نکلے ، اچانک انھیں ایک دکھائی دی، آپ کے ساتھ عبداللہ بن مسعود (رض) تھے آپ آگ کی طرف چل پڑے یہاں تک (جس) گھر میں (آگ جل رہی تھی) داخل ہوگئے وہاں ایک چراغ جل رہا تھا، آپ گھر کے مکان میں داخل ہوئے اور یہ رات کے وقت کا واقعہ ہے کیا دیکھتے ہیں ایک بوڑھا شخص بیٹھا ہے اور اس کے سامنے شراب پڑی ہے اور ایک لونڈی گانا گا رہی ہے انجانے میں حضرت عمر نے اس پر حملہ کردیا، حضرت عمرنے فرمایا : میں نے آج کی رات سے بھیانک منظر نہیں دیکھا، ایک بوڑھا جو اپنی موت کا منتظر ہے، اس شخص نے اپنا سر اٹھایا اور کہا : عمر، بالکل ٹھیک ہے امیرالمومنین جو آپ نے کیا ہے وہ اس سے زیادہ برا ہے آپ نے تجسس کیا اور تجسس سے روکا گیا ہے اور آپ بغیر اجازت اندرآگئے، حضرت عمر نے فرمایا : تم نے سچ کہا : پھر آپ اپنا کپڑا دانتوں میں دبائے روتے باہر نکل گے، اور فرمایا : عمر کی ماں اسے روئے اگر اس کا رب اسے نہ بخشے ہم نے اسے دیکھا وہ اپنی بیوی کے ساتھ تنہائی میں بیٹھا تھا اب وہ کہہ رہا ہے کہ مجھے عمر نے دیکھا اور وہ اس معاملہ میں شہرت کررہے ہیں ، اس بوڑھے نے اسی گھڑی حضرت عمر کی مجلس چھوڑدی
ایک دفعہ اس واقعہ کے بعد حضرت بیٹھے تھے کہ اچانک اسی خفیہ بات والے شخص جیسا ایک بوڑھا آیا اور مجلس کے پیچھے بیٹھ گیا، حضرت عمر نے جب اسے دیکھا تو فرمایا : اس بوڑھے کو مجھ تک پہنچادو، چنانچہ وہ آگیا کسی نے اس سے کہا : حاضر ہو وہ شخص اٹھا (وہ دل میں ) سمجھ رہا تھا کہ میری کسی بری حرکت کی عمر سرزنش کریں گے جو انھوں نے دیکھی ہے حضرت عمر نے فرمایا : قریب ہوجاؤ، آپ اسے قریب کرتے رہے یہاں تک کہ اپنے پہلو میں بٹھالیا، پھر فرمایا : اپنا کان میرے نزدیک کرو، پھر آپ نے اس کے کان میں کہا، اس ذات کی قسم ! جس نے حضرت محمد (صلی اللہ علیہ وآلہ وسلم) کو حق دے کر مبعوث فرمایا، اس رات میرے ساتھ عبداللہ بن مسعود تھے میں نے اور اس نے کسی کو نہیں بتایا۔
اس نے کہا امیر المومنین ! اپنا کان میرے نزدیک کریں، اس نے گوشہ میں کہا، اس ذات کی قسم جس نے حضرت محمد (صلی اللہ علیہ وآلہ وسلم) کو حق دے کر بھیجا، میں نے بھی کسی کو نہیں بتایا اور آپ کی مجلس میں بیٹھنے تک دوبارہ یہ کام نہیں کیا
تو حضرت عمر نے تکبیر کہہ کر آوازبلند کی، لوگوں کو معلوم نہ ہوسکا کہ آپ کس وجہ سے تکبیر کہہ رہے ہیں۔ (ابوالشیخ فی کتاب القطع والسرقہ)