٨٤٩٥۔۔۔ کمیل بن زیاد سے روایت ہے فرماتے ہیں : میں حضرت علی (رض) کے ہمراہ نکلا جب آپ جبان کے اوپر پہنچے تو قبرستان کی طرف متوجہ ہوئے، اور فرمایا : اے قبروں بوسیدگی اور وحشت والو ! تمہاری کیا خبر ہے ہماری خبر تو یہ ہے کہ مال تقسیم ہوگئے ، اولاد یتیم ہوگئی، خاوندبدل گئے یہ تو ہماری خبر تھی ، تمہاری کیا خبر ہے۔
پھر میری طرف متوجہ ہوئے اور فرمایا : اے کمیل ! اگر انھیں جواب دینے کی اجازت ہوتی تو یہ کہتے : بہترین توشہ تقویٰ ہے، پھر آپ روپڑے اور مجھ سے فرمایا : کمیل ! قبر عمل کا صندوق ہے، اور موت کے وقت تیرے پاس (اس کی) خبر پہنچ جائے گی۔ (الدینوری، ابن عساکر)