٨٥١٩۔۔۔ اوس بن ابی بن مندہ تاریخ اصفہان میں نقل کرتے ہیں کہ مجھے محمد بن محمد بن سہل، ان سے ابراہیم بن عبداللہ بن حاتم نے بیان کیا، فرماتے ہیں : میں نے اپنے والد سے سنا فرماتے ہیں : میں نے (خلیفہ) مامون کو خطبہ دیتے ہوئے سنا : انھوں نے کہا : لوگو ! میں تمہیں حیا کا حکم دیتا ہوں اور اس پر ابھارتا ہوں کیونکہ ھیشم بن بشیر بواسطہ یونس حضرت بصری سے انھوں حضرت ابوبکرۃ (رض) سے نقل کیا : کہ نبی کریم (صلی اللہ علیہ وآلہ وسلم) نے ایک شخص کو سنا جو اپنے بھائی کو حیا کے بارے نصیحت کررہا تھا، آپ (صلی اللہ علیہ وآلہ وسلم) نے فرمایا : اسے چھوڑ دو و کیونکہ حیا ایمان کا جزو ہے اتنے میں ان کے سامنے ایک شخص کھڑا ہوا اور کہنے لگا : امیرالمومنین مجھ سے ھشیم نے ایسا ہی بیان کیا جیسا آپ سے بواسطہ یونس، حضرت حسن بصری بیان کیا ہے، وہ عمران بن حصین سے وہ نبی (صلی اللہ علیہ وآلہ وسلم) سے روایت کرتے ہیں تو مامون نے اس سے کہا : اللہ کی قسم ! مجھ سے ھشیم نے یونس، حبیب اور منصور سے انھوں نے حسن بصری سے انھوں نے حضرت عمران بن حصین، ابوبکرۃ اور سمرۃ بن جندب (رض) سے اور اس شخص سے جو زمین کے اٹھنے والوں میں سب سے یعنی علی بن ابی طالب سے کہ نبی (صلی اللہ علیہ وآلہ وسلم) نے سنا ایک شخص اپنے بھائی کو حیا کے بارے نصیحت کررہا تھا۔
تشریح :۔۔۔ آج کا تاریخ دان طبقہ اس وقت کے بادشاہوں کو بےساختہ ظالم جابر، بےدین اور ملحد کہہ دیتا ہے جبکہ آج کے اور اس وقت کے بادشاہوں میں بہت زیادہ فرق ہے، آج کے دور کے بادشاہوں کی حالت دیکھ سابقہ لوگوں کو اس پر قیاس کیا جاتا ہے جو سراسر غلط اور بےبنیاد اصول ہے۔