٨٥٦٥۔۔۔ حضرت علی (رض) سے روایت ہے فرماتے ہیں : دنیا پیٹھ پھیر کر چل پڑی اور آخرت رخ کرکے آنے لگی ، ان میں سے ہر ایک کے بیٹے ہیں، سو تم آخرت کے بیٹوں میں سے ہونا، اور دنیا کے بیٹوں میں سے نہ ہونا، خبردار ! دنیا سے بےرغبتی کرنے والوں نے زمین کو بچھونا، مٹی کو بستر اور پانی کو اچھی چیز بنالیا۔
خبردار ! جو جنت کا مشاق ہے وہ شہوات کو بھول جائے گا، اور جو (جہنم کی) آگ سے ڈراوہ حرام چیزوں (کو چھونے سے پہلے) واپس لوٹ آئے گا، اور جو دنیا سے بےرغبت ہوا اس کے لیے مصائب کا جھیلنا (آسان ہے) بیشک اللہ تعالیٰ کے بہت سے بندے ہیں، جیسے کسی نے جنتیوں کو جنت میں ہمیشہ رہنے والا دیکھا اور جہنمیوں کو جہنم میں عذاب میں گرفتار دیکھا، ان کے شر (سے) حفاظت ہے ان کے دل غم گین ہیں ، اور ان کے نفس پاکدامن ہیں ان کی ضرورتیں پوشیدہ ہیں، انھوں نے آخرت کے لمبے سفر کے لیے چند دنوں پر صبر کیا۔
جہاں تک رات کا معاملہ ہے تو ان کے قدم صف بستہ ہیں ان کے رخساروں پر آنسوؤں کی لڑی جاری ہے، اپنے رب کی پناہ لیتے ہیں، (کہتے ہیں) اے ہمارے رب ! ہمارے رب ! اپنی گردنوں کو (جہنم سے) آزادی کے طلبگار ہیں، اور دن کے وقت وہ علماء بردباد ، نیک اور پرہیزگار ہیں گویا وہ تیر ہیں دیکھنے والا اس کی طرف دیکھ رہا ہے وہ کہے گا : کیا یہ بیمار ہیں ؟ حالانکہ کوئی بھی بیمار نہیں، اور ان سے کوئی چیز ٹل گئی اور قوم سے ایک بہت بڑا معاملہ ٹل گیا۔ (الدینوری ، ابن عساکر)