٨٥٧٥۔۔۔ (البراء بن عازب (رض)) عمربن ابراہیم ابن سعد الفقیہ، ابوالحسن عیسیٰ بن حامد بن بشر القاضی ، ابوعمرومقاتل بن صالح بن زمانۃ المروزی، ابوالعباس محمد بن نصربن العباس ، محمود بن غیلان ، یحییٰ بن آدم ، مفضل بن مہلہل ، محمد بن سلیمان ، حضرت مکحول حضرت براء بن عاذب (رض) سے نقل کرتے ہیں فرمایا : کہ رسول اللہ (صلی اللہ علیہ وآلہ وسلم) نے فرمایا : اللہ تعالیٰ کے کچھ خاص بندے ہیں جنہیں اللہ تعالیٰ بلند درجات میں ٹھہرائے گا کیونکہ وہ دنیا میں سب سے زیادہ عقلمند تھے
لوگوں نے عرض کیا : یارسول اللہ ! کیسے سب سے زیادہ عقلمند تھے ؟ آپ نے فرمایا : ان کا ارادہ عبادت میں مقابلہ کا تھا، دنیا کی فضول چیزیں اور اس کا ساز و سامان ان کے سامنے بےقیمت تھا۔ (ابن النجار)