٨٥٧٨۔۔۔ حضرت ابن عباس (رض) سے روایت ہے اللہ تعالیٰ نے موسیٰ (علیہ السلام) سے تین دن میں ایک لاکھ چالیس ہزار کلمات میں خفیہ گفتگو کی جو ساری وصیتوں پر مشتمل ہے، موسیٰ (علیہ السلام) نے جب لوگوں کی گفتگو سنی تو انھوں نے رب تعالیٰ کا کلام سن رکھا تھا اس لیے ان سے ناراض ہوگئے۔
جو مناجات ہوئی تھی اس میں فرمایا تھا : اے موسیٰ ! دنیا میں بےرغبتی کی طرف کسی نے تصنع و تکلف نہیں کیا، اور جو چیزیں میں نے حرام کی ہیں ان سے بچنے کی طرح کسی نے تقرب حاصل نہیں کیا، اور میرے خوف سے رونے کی طرح کسی نے عبادت نہیں کی، تو موسیٰ (علیہ السلام) نے عرض کیا : اے میرے رب ! اے تمام مخلوق کے معبود اے یوم جزا کے مالک، اے عزت و جلال والے ! آپ نے ان کے لیے کیا تیار کیا ہے اور انھیں کیا بدلہ دیا ہے ؟
اللہ تعالیٰ نے فرمایا : دنیا سے بےرغبتی کرنے والوں کے لیے میں نے جنت مباح کردی ہے جہاں چاہیں ٹھہریں اور حرام چیزوں سے بچنے والوں کے لیے یہ ہے کہ قیامت کے روز میں ہر ایک سے حساب میں پوچھ گچھ کروں گا، اور جو کچھ اس کے پاس ہوگا اس کیب تفتیش کروں گا اس قانون سے اگر کوئی مستثنیٰ ہے تو وہ پرہیزگار اور حرام چیزوں سے بچنے والے ہیں، کیونکہ ان کی عزت واکرم بڑھا کر انھیں بغیر حساب جنت میں داخل کروں گا۔
اور جو میرے ڈر سے روتے ہیں : ان کے لیے ان کے لیے عالم بالا کی رفاقت ہے جس میں کوئی اور ان کا شریک نہیں ہوگا۔ (بیھقی فی الشعب ، ابن عساکر وسندہ ضعیف)