٨٥٨۔۔ چھوڑو مجھے اے عمر ! مجھے دونوں چیزوں کے درمیان اختیار دیا گیا ہے مجھے کہا گیا ہے۔ استغفرلھم اولا تستغفرلھم ، ان تستغفرلھم سبعین مرۃ فلن یغفر اللہ لھم۔ آپ ان کے لیے استغفار کریں یا نہ کریں برابر ہے۔ اگر آپ ان کے لیے ستر مرتبہ بھی استغفار کریں گے تب بھی اللہ ان کو ہرگز نہ بخشے گا۔ اگر مجھے علم ہوتا کہ ستر مرتبہ سے زائد استغفار کرنے سے ان کی بخشش ہوجائے گی تو میں زیادہ بھی کرلیتا۔ ترمذی، نسائی، بروایت عمر (رض)۔