٨٥٩٥۔۔۔ حضرت ابو ہریرہ (رض) محمد بن یونس، عبداللہ داؤد التمار الواسطی اسماعیل بن عیاش ، ثوربن یزید، حضرت مکحول، حضرت ابو ہریرہ (رض) سے روایت نقل کرتے ہیں کہ رسول اللہ (صلی اللہ علیہ وآلہ وسلم) نے فرمایا : اے ابوہریرہ ! تو ایسی قوم کی پیروی لازما کرنا کہ جب (حساب سے) لوگ خوفزدہ ہوں گے وہ بےخوف ہوں گے اور جب لوگ امن طلب کررہے ہوں گے وہ اطمینان سے ہوں گے۔
آخری دور میں میری امت کے کچھ لوگ ہوں گے جن کا حشر انبیاء کے ساتھ ہوگا، لوگ انھیں دیکھ کر سمجھیں گے کہ یہ انبیاء ہیں، کیونکہ ان کی حالت ایسی ہوگی، میں انھیں پہچانتا ہونگا میں کہوں گا : یہ میری امت (کے لوگ) ہیں، ( اس وقت) سب لوگ کہیں گے، یہ تو انبیاء ہیں، وہ لوگ بجلی اور ہوا کی طرح سے گزرجائیں گے، لوگوں کی آنکھیں ان کے نور سے چندھیا جائیں گی۔
میں نے عرض کیا : یارسول اللہ ! مجھے بھی ان کے عمل کی طرح (عمل کرنے کا) حکم دیں، تاکہ میں بھی ان کے ساتھ مل جاؤں، آپ نے فرمایا : ابوہریرہ ! وہ بہت دشوار راہ، یعنی انبیاء کی راہ چلے، انھوں نے باوجود یہ کہ اللہ تعالیٰ نے انھیں سیر کیا بھوک طلب کی، اور باوجودیکہ اللہ تعالیٰ نے انھیں کپڑا پہنایا انھوں نے کپڑے کی تنگی مانگی، باوجودیکہ اللہ تعالیٰ نے انھیں سیراب کیا انھوں نے پیاس مانگی، یہ ساری چیزیں اللہ تعالیٰ کے پاس جو کچھ موجود ہے اس کی امید میں چھوڑدیں۔
حلال کے حساب کے خوف سے حلال چھوڑدیا، انھوں نے دنیاکا ساتھ دیا لیکن دنیا میں ان کے دل نہیں لگے، کاش اللہ تعالیٰ مجھے اور انھیں جمع کردے ، پھر رسول اللہ (صلی اللہ علیہ وآلہ وسلم) ان کے اشتیاق میں روپڑے، اور فرمایا : ابوہریرہ ! اللہ تعالیٰ جب زمین والوں کو عذاب دینے کا ارادہ کرتے ہیں تو جب ان کی بھوک اور پیاس دیکھتے ہیں تو عذاب روک دیتے ہیں ابوہریرہ ان کی راہ
اختیار کرنا، جو ان کی روش سے پھرے گا سخت حساب میں باقی رہے گا۔
مکحول فرماتے ہیں : چنانچہ میں نے ابوہریرہ (رض) کو دیکھا کہ وہ بھوک اور پیاس کی وجہ سے دہرے ہورہے ہیں ،
میں نے ان سے عرض کیا : اللہ تعالیٰ آپ پر رحم کرے، چنانچہ آپ پر ترس کھائیں ، آپ نے فرمایا : کہ رسول اللہ (صلی اللہ علیہ وآلہ وسلم) نے ایک قوم کا ذکر فرمایا اور مجھے ان کے طریقہ پر رہنے کا حکم دیا ہے سو مجھے خوف رہتا ہے کہ وہ قوم اپنا راستہ طے کرلے اور ابوہریرہ ضساب کی شدت میں باقی رہ جائے۔ (الدیلمی قال فی المیزان : عبداللہ ابن داؤدالزاسطی التمار، قال البخاری : فیہ نظر، وقال نسائی : ضعیف، وقال ابوحاتم لیس بقوی وفی احادیتہ مناکیر، وتکلم فیہ ابن حبان، وقال ابن عدی ، ھوممالابائس بہ ان شاء اللہ، قال الدھبی بل کل الباس بہ، وروایاتشھد بصحۃ ذلک، وقد قال البخاری : فیہ نظرولا یقول ھذا الافیمن یتھمہ غالبا)
تشریح :۔۔۔ سندا اس حدیث میں ضعف ہے اور ایک گروہ ضعیف روایات کو ہی اپنا مطمح نظر سمجھتا ہے، اور آج کل کے پاگلوں ،
خبطیوں ، اور کمزوردماغ لوگوں کو اس کا محل سمجھتا ہے، حالانکہ یہ سراسر غلط تاویل ہے روایت میں دو باتیں قابل غور ہیں، کہ وہ لوگ حساب کے خوب سے حلال سے پرہیز کریں گے معلوم ہوا وہ علم والے ہوں گے، دوم دنیا سے تعلق رکھیں گے لیکن دنیا ان کے دل میں گھر نہیں کرے گی، جس سے یہ ظاہر ہوتا ہے کہ وہ تارک دنیا اور جنگلوں میں رہنے والے نہ ہوں گے، اس واسطے اس سے لامحالہ وہ لوگ مراد ہیں جو علم کے ساتھ ساتھ آخرت کی قوی فکر رکھتے ہوں، اور موجود ہ دور کا نیم برہنہ، آدھا ننگافرقہ ہرگز مراد نہیں، یہ جاہل بےدین ، مشرک اور غلط عقائد کے مالک ہوتے ہیں۔