شکر گزار اور ناشکر بندے
٨٦٢٣۔۔۔ حضرت ابوہریرہ (رض) سے روایت ہے فرمایا : بنی اسرائیل میں تین شخص تھے، برص والا، گنجا اور اندھا، اللہ تعالیٰ نے انھیں آزماناچاہا، ان کی طرف ایک فرشتہ برص والے کے پاس آیا، اور کہا : تجھے سب سے زیادہ کیا پسند ہے ؟ وہ بولا : اچھا رنگ اور اچھی جلد کیونکہ لوگ مجھ سے گھن کھاتے ہیں ، فرشتہ نے کہا : اور مال کونسا زیادہ پسند ہے ؟ اس نے کہا : اونٹ، فرشتہ نے اس دس ماہ کی گابھن اونٹنی دی، اور کہا (اللہ تعالیٰ ) تجھے اس میں برکت دے۔
پھر وہ گنجے کے پاس آیا ، اور کہا : تجھے سب سے زیادہ کیا پسند ہے ؟ اس نے کہا : اچھے بال اور یہ بیماری ختم ہوجائے، کیونکہ لوگ مجھ سے نفرت کرتے ہیں، فرشتہ نے اس کے سر پر ہاتھ پھیرا تو اس کا گنج ختم ہوگیا اور اسے اچھے بال دے دیئے ، پھر کہا : کونسا مال تجھے زیادہ اچھا لگتا ہے ؟ اس نے کہا : گائے ، تو فرشتہ نے اسے حاملہ گائے دی اور کہا تجھے اس میں برکت ہو۔
پھر وہ اندھے کے پاس آیا، تجھے سب سے زیادہ کیا پسند ہے ؟ وہ کہنے لگا : کہ اللہ تعالیٰ میری بنیائی لوٹا دے، تاکہ میں اس سے لوگوں کو دیکھوں ، فرشتہ نے اس کی آنکھوں پر ہاتھ پھیرا تو اللہ تعالیٰ نے اس کی بنیائی لوٹادی، فرشتہ نے کہا : کونسا مال زیادہ پسند ہے ؟ اس کے کہا : بکریاں ، تو فرشتہ نے اسے ایک بچہ دینے بکری دی، بعد میں ان دونوں نے بچے دیئے اور اس نے بھی بچہ دیا، اس کے پاس اونٹوں کی ایک وادی، اس کے پاس گائیوں کی ایک وادی اور اس کے پاس کی ایک وادی تھی۔
(کچھ عرصہ کے بعد) وہ فرشتہ اس برص والے کے پاس اسی کی شکل و صورت میں آیا اور کہا : میں مسکین آدمی ہوں، میرے سفر کے اسباب ختم ہوگئے، آج اللہ تعالیٰ اور پھر تمہارے علاوہ میرا کوئی سہارا نہیں، میں تجھ سے ذات کے واسطہ سے سوال کرتا ہوں جس نے تجھے اچھی جلد اور اچھا رنگ بخشا ، اور اونٹوں کی شکل میں سے مال بخشا، میں ان کے ذریعہ اپنی سفری ضرورتیں پوری کروں گا۔
برص والے نے کہا : حقوق بہت زیادہ ہیں (میں کچھ نہیں کرسکتا) ۔ (فرشتہ نے جو مسکین کی شکل میں تھا) کہا شاید میں
تجھے پہچانتا ہوں کیا تو وہی برص والا نہیں جس سے لوگ نفرت کرتے تھے تو فقیر تھا پھر اللہ تعالیٰ نے یہ سب کچھ بخشا وہ کہنے لگا : یہ تو میں نے اپنے بڑوں سے برداشت سے وراثت میں پایا ہے، اس (فرشتہ) نے کہا : اگر تو جھوٹا ہے تو اللہ تعالیٰ تجھے پہلے کی طرح کردے۔
پھر وہ گنجے کے پاس اس کی شکل و صورت میں آیا اور اس سے بھی وہی کچھ کہا جو برص والے سے کہا تھا، اس نے بھی وہی جواب دیا، جو اس نے دیا تھا اس (فرشتہ) نے کہا : اگر تو جھوٹا ہے تو اللہ تعالیٰ تجھے پہلے کی طرح کردے، پھر وہ اندھے کے پاس اس کی شکل و صورت میں آیا اور کہا : میں مسکین ومسافر آدمی ہوں، میرے سفری اسباب ختم ہوگئے، آج اللہ تعالیٰ کے علاوہ اور پھر تمہارے سوا میرا کوئی آسرا نہیں میں تجھے سے اس ذات کے واسطہ سے سوال کرتا ہوں جس نے تجھے دوبارہ بینائی بخشی، مجھے ایک بکری دو تاکہ میں اپنی سفری ضرورت پوری کرسکوں۔ اسنے کہا : میں اندھا اور فقیر شخص تھا مجھے اللہ تعالیٰ نے بینائی بخشی ان میں سے جتنی بکریاں چاہتا ہے لیجا، اللہ کی قسم میں آج تجھ سے کسی چیز کی مشقت نہیں سمجھوں گا جو تم اللہ تعالیٰ کیلئے لوگے
اس (فرشتہ) نے کہا : اپنا مال محفوظ رکھو بات یہ ہے کہ اللہ تعالیٰ نے تم لوگوں کو آزمایا، سو تم سے راضی ہوا اور تیرے دونوں دوستوں سے ناراض ہوا۔ (بخاری ، مسلم)