٨٦٢٥۔۔۔ حضرت عائشہ (رض) سے روایت ہے فرماتی ہیں : رسول اللہ (صلی اللہ علیہ وآلہ وسلم) کہا کرتے : عائشہ تمہارے وہ اشعار کہاں ہیں ؟ میں عرض کرتی کونسے اشعار کیونکہ وہ تو بہت زیادہ ہیں، آپ فرماتے : جو شکر کے بارے میں کہتی : ہاں جی ! (یادآگئے) میرے ماں باپ آپ پر قربان ہوں، شاعر نے کہا ہے : اپنے کمزور کو اٹھا، تجھے کسی دن اس کی کمزوری حیرت زدہ نہ کرے، جب تجھ پر مصائب کی مصائب کی کثرت ہوگی وہ تیری مدد کرے گا، تیری نیکی کا بدلہ دے گایا تیری تعریف کرے گا، اور جس نے تیری نیکی پر تیری تعریف کی تو گویا اس نے بدلہ دے دیا ، شریف شخص سے جب تو ملنا چاہے تو تو اس کی رسی کو بوسیدہ نہیں پائے گا بلکہ وہ مضبوط ہوگی۔
فرماتی ہیں : آپ فرماتے ہیں : ہاں اے عائشہ ! مجھے جبرائیل نے بتایا ہے : کہ اللہ تعالیٰ جب ساری مخلوق کو جمع فرمائے گا اپنے ایک بندے سے فرمائے گا، اس سے کسی شخص نے بھلائی کی ہوگی فرمائیں گے : تم نے میرا شکر ادا نہیں کیا، جب اس شخص کا شکرادا نہیں جس کے ہاتھوں پر میں نے اس (نعمت و بھلائی) کو جاری کیا تھا۔ ( بیھقی فی الشعب وضعفہ ، ابن عساکر)