٨٦٣٦۔۔۔ حضرت واثلہ (رض) سے روایت ہے فرماتے ہیں : نبی (صلی اللہ علیہ وآلہ وسلم) یمن کا آدمی لایا گیا جس کی پیشانی پر بالوں کا دائرہ تھا، آنکھوں سے بھینگا ، چھوٹی گردن ، اس کے پاؤں ٹیڑھے ، بےحد کالے رنگ اس کے پاؤں کے درمیان فاصلہ تھا، کہنے لگا : یارسول اللہ ! مجھے بتائیں کہ اللہ تعالیٰ نے مجھ پر کیا فرض کیا ہے، آپ نے جب اسے بتادیا ، تو وہ کہنے لگا میں اللہ تعالیٰ سے عہد کرتا ہوں کہ فرض میں اضافہ نہیں کروں گا، آپ (صلی اللہ علیہ وآلہ وسلم) نے فرمایا : یہ کیوں ؟ اس نے کہا : کیونکہ اللہ تعالیٰ نے مجھے بدصورت پیدا کیا ہے مجھے پیشانی پر بالوں کے دائرے والا بھنگا، جھوٹی گردن والا، ٹیڑھے پاؤں والا ، بہت سیاہ سیرین اور رانوں میں کم گوشت والا دونوں کے پاؤں کے درمیان فاصلے والا بنایا ہے پھر وہ شخص پیٹھ دے کر چلا گیا۔
اتنے میں جبرائیل آئے اور کہا : اے محمد (صلی اللہ علیہ وآلہ وسلم) ناراض ہونے والا شخص کہاں ہے، وہ کریم رب سے ناراض ہوا ہے، آپ اسے راضی کریں، اللہ تعالیٰ نے اسے کہا ہے : کہ کیا وہ اس بات پر راضی نہیں کہ اللہ تعالیٰ اسے قیامت کے روز جبرائیل کی صورت میں اٹھائیں، تو رسول اللہ (صلی اللہ علیہ وآلہ وسلم) نے اس شخص کی طرف پیام بھیجا، (جب وہ آیا) تو آپ نے اس سے کہا : تم کریم رب سے ناراض ہوئے میں تمہیں راضی کرتا ہوں ، کیا تم اس بات پر راضی نہیں کہ قیامت کے روز اللہ تعالیٰ اپنی مرضی کے اعمال میں سے کسی چیز پر میرا جسم قوی نہ کرے پھر بھی اس پر عمل کروں گا (ابن عساکر کروفیہ العلاء بن کثیر