٨٦٥١۔۔۔ زید بن اسلم اپنے والد سے روایت کرتے ہیں فرمایا : حضرت ابوعبیدہ نے حضرت عمر بن خطاب کی طرف لکھا : اور خط کے مضمون میں رومی فوجوں کا تذکرہ کیا، اور وہ باتیں ذکر کیں جن سے خوف آتا تھا، تو حضرت عمر نے جواب میں لکھا : امابعد ! بات یہ ہے کہ مومن بندہ کو جب بھی کوئی سختی پہنچتی ہے تو اللہ تعالیٰ اس کے بعد کشادگی پیدا فرما دیتا ہے، ہرگز ایک مشکل دوآسانیوں پر غالب نہیں آئے گی، اور اللہ تعالیٰ اپنی کتاب میں فرماتے ہیں : اے ایمان والو ! صبرکروصبر کی تلقین کرو، سرحدوں پر مورچہ بندرہو اللہ تعالیٰ سے ڈرو یقیناً تم فلاح پاؤگے۔ (مالک ، مصنف ابن ابی شیبہ، وابن ابی الدنیا فی الفرج بعد الشدۃ وابن جریر، حاکم ، بیھقی فی الشعب)