٨٧٠٢۔۔۔ (اسودبن اصرم المحاربی (رض)) سے روایت ہے فرماتے ہیں : میں ایک موٹا تازہ اونٹ کے کر مدینہ ، خشک سالی اور قحط کے زمانہ میں آیا، آپ کے سامنے اس اونٹ کا ذکر ہوا تو آپ نے اسے منگوایا، جب وہ لایا گیا تو آپ نے باہر نکل کر اسے دیکھا ، آپ نے فرمایا : تم یہ اپنا اونٹ کیوں ہانک کر لائے ہو ؟ میں نے عرض کیا : میں اس کے بدلہ خادم خریدنا چاہتا ہوں ، آپ نے فرمایا : کس کے پاس خادم ہے ؟ تو حضرت عثمان بن عفان نے فرمایا : میرے پاس یارسول اللہ ! آپ نے فرمایا : لاؤ چنانچہ وہ لائے تو میں نے غلام لے لیا اور رسول اللہ (صلی اللہ علیہ وآلہ وسلم) نے ان کا اونٹ (جو غلام کے بدلہ تھا) لے لیا میں نے عرض کیا : یا رسول اللہ ! مجھے کوئی وصیت کریں، آپ نے فرمایا : تم اپنی زبان پر قابورکھتے ہو ؟ میں نے عرض کیا : اگر میں زبان پر قابو نہ رکھوں گا تو کس پر قابو رکھوں گا ؟ آپ نے فرمایا : کیا تم اپنے ہاتھوں پر قابورکھتے ہو ؟ میں نے عرض کیا : اگر میں ہاتھوں پر قابو نہ رکھوں تو کس پر قابو رکھوں گا ؟ آپ نے فرمایا : زبان سے صرف بھلی بات کہو اور ہاتھوں کو صرف نیکی کی طرف بڑھاؤ۔ (بخاری فی تاریخہ وابن ابی الدنیا فی الصمت والبغوی، وقال : لااعلم لہ غیرہ والبارودی وابن مندہ وابن السکن وابن قانع، طبرانی فی الکبیر وابو نعیم ، ابن حبان، ابن عساکر، سعید بن منصور