٨٧٧٧۔۔۔ امام مالک موطا میں فرماتے ہیں : محمد بن الحسن و سفیان بن عیینہ اپنی (کتاب ) الجامع، میں یحییٰ بن سعید، محمد بن ابراہیم تیمی، فرماتے ہیں، میں نے علقمہ بن وقاص سے سناوہ فرماتے ہیں میں نے حضرت عمر بن خطاب (رض) کو فرماتے سنا : کہ میں نے رسول اللہ (صلی اللہ علیہ وآلہ وسلم) کو ارشاد فرماتے سنا : اعمال کا دارومدارنیت پر ہے اور ہر شخص کے لیے وہی (اجر) ہے جس کی وہ نیت کرے، تو جس کی ہجرت اللہ تعالیٰ اور اس کے رسول کے لیے ہو تو اس کی ہجرت اللہ تعالیٰ اور اس کے رسول کے لیے کافی ہوگی۔
اور جس کی ہجرت دنیا کے حاصل کرنے یا کسی عورت سے نکاح کرنے کی ہو تو اس کی ہجرت اسی کی طرف ہوگی جس کی طرف اس نے ہجرت کی۔ (الشافعی فی مختصر البیوطی والربیع، ابوداؤد طیالسی، والحمیدی، سعید بن منصور العدنی، مسند احمد، مسلم ، ابوداؤد، ترمذی ، نسائی ، ابن ماجہ، والجارودوابن خزیمہ والطحاوی، ابن حبان ، دارقطنی، نعیم بن حماد فی نسخہ مربرقم، ٧٢٦٢)