٨٨٠٠۔۔۔ حارث بن سوید سے روایت ہے فرمایا : ایک شخص نے حضرت عبداللہ بن مسعود (رض) سے پوچھا : میرا ایک پڑوسی ہے جو سود کھانے سے نہیں بچتا، اور نہ اس کے لینے سے بچتا ہے جو صحیح نہیں وہ مجھے اپنے کھانے پر بلاتا ہے، اور ہمیں ضرورت پڑتی ہے تو ہم اس سے قرض بھی لیتے ہیں، آپ کی اس بارے میں کیا رائے ہے ؟
آپ نے فرمایا : جب وہ تمہیں کھانے پر بلائے تو اس کی دعوت قبول کرو، اور جب تمہیں ضرورت ہو تو اس سے قرض لے لیا کرو ، کیونکہ اس کا گناہ اس پر اور اس کا فائدہ تیرے لیے ہے۔ (ابن جریر)