٨٨٢٤۔۔۔ مسور بن مخرمہ عبدالرحمن بن عوف (رض) سے روایت کرتے ہیں فرمایا : وہ ایک رات حضرت عمر (رض) کے ساتھ مدینہ کی حفاظت کررہے تھے۔ اسی اثنا میں کہ یہ لوگ چل رہے تھے کہ ایک گھر میں چراغ روشن تھا یہ حضرات اس کی سیدھ پر چل پڑے جب ان کے قریب ہوئے تو ایک ایسی قوم پر دروازہ کھلا تھا،جن کی آوازیں بلند تھیں اور وہ بےہودہ باتیں کررہے تھے، حضرت عمر نے عبدالرحمن بن عوف کا ہاتھ پکڑا اور فرمایا : جانتے ہو یہ کس کا گھر ہے ؟ انھوں نے کہا : ربیعہ بن امیہ بن خلف کا اور وہ لوگ اس وقت کچھ پی رہے ہیں، فرمایا آپ کی کیا رائے ہے۔
آپ نے فرمایا : میں سمجھتا ہوں : ہم نے اللہ تعالیٰ کی ممنوع کردہ بات کا ارتکاب کیا ہے اللہ تعالیٰ نے فرمایا : تجسس نہ کیا کرو، اور ہم تجسس کرچکے ، اس کے بعد حضرت عمر وہاں سے پلٹے اور انھیں چھوڑدیا۔ (عبدالرزاق، وعبدبن حمید والخرائطی فی مکارم الاخلاق)