٨٨٢٧۔۔۔ ثور کندی سے روایت ہے کہ حضرت عمر (رض) رات کے وقت مدینہ میں چکرلگاتے تھے آپ نے شخص کی
آواز سنی جو گانا گا رہا تھا، آپ دیوار پھلانگ کر اس کے پاس گئے، آپ نے فرمایا : اے دشمن خدا ! کیا تمہارا گمان ہے کہ اللہ تعالیٰ نے تجھ پر پردہ کیا اور تو گناہ میں مبتلا ہے ؟
اس نے کہا : امیر المومنین آپ بھی میرے خلاف جلدی نہ کریں ، اگر میں نے ایک بار اللہ تعالیٰ کی معصیت کی تو آپ نے تین نافرمانیاں کی ہیں، اللہ تعالیٰ نے فرمایا :” اور تجسس نہ کرو “ آپ نے تجسس کیا، اللہ تعالیٰ نے فرمایا : گھروں میں دروازوں سے آؤ میرے پاس دیوار پھلانگ آئے، اور آئے بھی بغیر اجازت جبکہ اللہ تعالیٰ نے فرمایا : اپنے گھروں کے علاوہ دوسروں کے گھروں میں اس وقت تک داخل نہ یہاں تک کہ اجازت لے لو اور انھیں سلام کرلو، حضرت عمر نے فرمایا : کیا تیرے پاس کوئی بھلائی ہے اگر میں تجھے معاف کردوں ؟ اس نے کہا : جی ہاں چنانچہ آپ نے اسے معاف کردیا اور اسے چھوڑ کر باہر نکل گئے۔
(الخرائطی فی مکارم الاخلاق)