٨٨٣٩۔۔۔ عبدالرحمن بن غنم سے روایت ہے فرمایا : میں اور حضرت ابوالدرداء (رض) جابیہ کی مسجد میں داخل ہوئے ، ہماری ملاقات حضرت عبادۃ بن صامت سے ہوئی ، تو حضرت عبادہ نے فرمایا : اگر تم میں سے کسی ایک کی یا دونوں کی عمر لمبی ہوئی تو عنقریب تم مسلمانوں کے درمیان سے ایک شخص دیکھو گے، جس نے رسول اللہ (صلی اللہ علیہ وآلہ وسلم) کی زبان میں قرآن پڑھا ہوگا، (جیسے آپ حروف لوٹاتے اور ابتدا کرتے اسی طرح) وہ قرآن کا آغازکرے گا اور (ختم کرنے کے بعد) پھر دربار پڑھے، قرآن کے حلال اور حرام جانے گا، جہاں قرآن اترا وہاں وہ اتر کر ان جگہوں کو دیکھے گا۔
یا وہ تمہاری کسی کی زبان میں پڑھے گا، وہ تم میں سے معظم ہوگا جیسے مردار گدھے کا سر، ہم لوگ ایس گفتگو میں تھے کہ اچانک شداد بن اوس (رض) اور عوف بن مالک (رض) آکر ہمارے پاس بیٹھ گئے، تو حضرت شداد نے فرمایا : لوگوں مجھے اس چیز کا زیادہ خوف ہے جو میں نے رسول اللہ (صلی اللہ علیہ وآلہ وسلم) سے سنی ہے آپ فرما رہے تھے : خفیہ شہوت اور خفیہ شرک سے (اللہ کی پناہ) تو حضرت عبادہ اور حضرت ابوالدرداء (رض) نے فرمایا : اللہ معاف فرمائے، کیا رسول اللہ (صلی اللہ علیہ وآلہ وسلم) نے ہم سے یہ بیان نہیں فرمایا : کہ شیطان اس بات سے ناامید ہوچکا ہے کہ جزیرہ العرب میں اس کی عبادت کی جائے ؟
اور جہاں تک خفیہ شہوت کا تعلق ہے تو اسے ہم پہچان گئے یہ دنیا عورت کی شہوتیں ہیں توشداد بتاؤ وہ خفیہ شرک کیا ہے جس سے آپ ہمیں ڈرا رہے ہو ؟ انھوں نے فرمایا : تمہاری کیا رائے ہے اگر کوئی شخص کسی بےلیے نماز پڑھے یا رواہ رکھے یا صدقہ کرے تو کیا اس نے شرک کیا ؟ انھوں نے کہا : ہاں ، تو حضرت شداد نے فرمایا : میں نے رسول اللہ (صلی اللہ علیہ وآلہ وسلم) سے سنا ہے آپ نے فرمایا : جس نے دکھلاوے کی نماز پڑھی دکھلاوے کا روزہ رکھا اور دکھلاوے کا صدقہ کیا تو اس نے شرک کیا۔
تو حضرت عوف نے فرمایا : کیا اللہ تعالیٰ ایسا نہیں کریں گے کہ جو اس سارے عمل میں سے ان کی رضا اور خاص انہی کے لیے ہو وہ قبول کرلیں اور جس میں شرک ہوا سے چھوڑدیں ؟ تو شداد نے کہا : میں نے رسول اللہ (صلی اللہ علیہ وآلہ وسلم) کو ارشاد فرماتے ہے : میں بہترین شریک ہوں، جسس نے میرے ساتھ کسی چیز میں دوسرے کو شریک کیا، تو اس کی بھلائی اور عمل تھوڑا ہو یا زیادہ اس کے اس شریک کے لیے ہے ھو اس نے میرے ساتھ شریک کیا اور میں اس سے بے پرواہوں ۔ (ابن عساکر)