٨٨٥٦۔۔۔ حضرت علی (رض) سے روایت ہے فرمایا : مجھے تمہارے بارے دو چیزوں کا خوف ہے، لمبی امیدیں اور خواہشات کی پیروی، کیونکہ لمبی امیدیں ، آخرت بھلا دیتی ہیں اور خواہشات کا اتباع حق سے روک دیتا ہے، دنیا پیٹھ دے کر چل دی اور آخرت رخ کرکے روانہ ہوچکی ہے ان میں سے ہر ایک کے بیٹے ہیں، سو تم آخرت کے بیٹے بننا، دنیا کے بیٹے نہ بننا، کیونکہ آج عمل ہے حساب نہیں اور کل حساب ہوگا نہ کہ عمل۔ (ابن المبارک ، مسند احمد فی الزھد وھنادوابن ابی الدنیا فی قصر الامل، الحلیۃ فی الزھد، ابن عساکر)