٨٨٦١۔۔۔ حضرت انس (رض) سے روایت ہے فرمایا : کہ رسول (صلی اللہ علیہ وآلہ وسلم) کے زمانہ میں ایک شخص کسی مجلس سے گزرا، مجلس والوں کو سلام کیا انھوں نے جواب دیا، جب وہ شخص چلا گیا تو ایک آدمی کہنے لگا : مجھے اس سے بغض ہے، تو لوگوں نے کہا : رہنے دو ، اللہ کی قسم ہم ضرور اسے بتائیں گے، اے فلاں جاؤ اور جو کچھ اس نے کہا ہے اس کی اسے خبردو، تو وہ شخص نبی (صلی اللہ علیہ وآلہ وسلم) کے پاس گیا تو اس نے اس شخص کے بارے اور جو کچھ اس نے کہا آپ کو بتادیا، وہ شخص کہنے لگایا رسول اللہ ! اس کی طرف ہیام بھیجیں اور اس سے پوچھیں وہ مجھ سے کیوں بغض رکھتا ہے ؟ !(جب وہ آگیا) آپ نے فرمایا : تم اس سے کیوں بغض رکھتے ہو ؟
اس نے کہا : یارسول اللہ ! میں اس کا پڑوسی ہوں اور میں نے اسے آزمایا ہے میں نے کبھی اسے، اس نماز کے علاوہ جو نیک وبد پڑھتے ہیں، نماز پڑھتے نہیں دیکھا، تو اس شخص نے کہا : یارسول اللہ ! اس سے پوچھیں : کہ کیا میں نے غلط وضو کیا یا یا خیر سے ادا کی ؟ اس نے کہا نہیں ، پھر وہو بولا، یارسول اللہ ! میں اس کا پڑوسی اور تجربہ کار ہوں میں نے اسے اس زکوۃ کے علاوہ جسے نیک وبد ادا کرتے ہیں، کسی مسکین کو کھانا کھلاتے نہیں دیکھا، تو اس شخص نے کہا : یا رسول اللہ ! اس سے پوچھیں : کہ کیا
میں نے کسی مانگنے والے کو منع کیا، تو آپ نے اس سے پوچھا : تو اس نے کہا : نہیں۔
پھر اس نے کہا : یارسول اللہ ! میں اس کا پڑوسی اور آزمانے والاہوں، میں نے اسے اس مہینہ کے روزے رکھنے کے علاوہ جس کے روزے نیک وبدس بھی رکھتے ہیں روزے رکھتے نہیں دیکھا، تو اس شخص نے کہا : یارسول اللہ ! اس سے پوچھیں ؟ کیا میں نے بیماری اور سفر کے علاوہ کبھی روزہ چھوڑا ہے ؟ آپ نے پوچھا : اس نے کہا : تو رسول اللہ (صلی اللہ علیہ وآلہ وسلم) نے فرمایا : مجھے معلوم نہیں شاید وہ تجھ سے بہتر ہو۔ (ابن عساکر)
تشریح :۔۔۔ انسان کو چاہیے کہ اپنے کام سے کام رکھے۔