٨٨٨٧۔۔۔ حضرت علی (رض) سے روایت ہے فرمایا، رسول اللہ (صلی اللہ علیہ وآلہ وسلم) نے فرمایا : سابقہ تمام موحد قوموں کے وہ لوگ جو کبیرہ گناہ کرتے کرتے مرگئے، سوائے نادم اور توبہ کرنے والے (کہ وہ جہنم میں نہیں جائیں گے) جو جہنم میں جائیں گے، ان کی آنکھیں نیلی ہوں گی، اور نہ چہرے سیاہ ہوں گے، اور نہ انھیں شیطانوں کے ساتھ جوڑا جائے گا، اور نہ بیڑیاں پہنائی جائیں گی، نہ وہ کھولتا ہوا پانی پئیں گے، اور نہ تار کول کے کپڑے پہنیں گے، اللہ تعالیٰ نے توحید کی وجہ سے ان کے جسم (جہنم میں) ہمیشہ کے لیے حرام کردیئے اور ان کے چہرے ان کے مسجدوں کی وجہ سے آگ پر حرام کردیئے، ان میں کسی کو آگ اس کے قدموں تک لپٹے ہوگی، کسی کو اس کی کوکھ تک ، کسی کو اس کی گردن تک لپٹے ہوگی، (غرض) ان کے گناہوں کی اور اعمال کے بقدر (لپٹے گی) ان میں سے کوئی اس (جہنم) میں ایک ماہ رہے گا، پھر نکال لیا جائے گا جو دنیا کی عمر کی مقدار، جب سے وہ پیدا ہوئی سے لے کر اس کے فنا ہونے تک ٹھہرے گا، اللہ تعالیٰ جب انھیں آگ سے نکالے کا ارادہ کریں گے تو یہود و نصاریٰ اور دوسرے مذاہب والے بت پرست جہنمی اہل توحید سے کہیں گے۔
تم لوگ اللہ تعالیٰ ، اس کے رسولوں اور اس کی کتابوں پر ایمان لائے پھر بھی آج ہم اور تم جہنم (کے عذاب) میں برابر ہیں، تو اللہ تعالیٰ ان کی وجہ سے ایسا غضبناک ہوگا کہ اس سے پہلے کسی چیز کی وجہ سے اتناغضبناک نہیں ہوا، پھر اللہ تعالیٰ انھیں ایک ایسے چشمے کی طرف نکال لائیں گے جو جنت اور پل صراط کے درمیان ہوگا تو وہ چشمہ میں کھمبی کی طرح اگیں گے، جس میں پانی رواں ہوگا، اس کے بعد جنت میں داخل ہوجائیں گے۔
ان کی پیشانیوں پر لکھا ہوگا، یہ جہنمی ، رحمن کے آزاد کردہ ہیں، پھر وہ جنت میں اتنا عرصہ رہیں گے جنتا اللہ تعالیٰ چاہے گا، پھر وہ اللہ تعالیٰ سے سوال کریں گے کہ ان (کی پیشانیوں ) سے یہ نام مٹادیا جائے، تو اللہ تعالیٰ ایک فرشتہ بھیجے گا تو وہ (ان سے) اس (نام) کو مٹادے گا، اس کے بعد اللہ تعالیٰ بہت سے ایسے فرشتے بھیجے گا جن کے پاس آگ کیلیں ہوں گی جو اس میں باقی جہنمی ہوں گے ان پر تختے لگا کر اوپر سے یہ میخیں لگادیں گے، تو اللہ تعالیٰ اپنے عرش پر ان کا ذکر کرے گا، اور جنتی اپنی لذتوں اور نعمتوں میں پڑ کر انھیں بھول جائیں گے، یہی اللہ تعالیٰ کا ارشاد ہے ” باربار کا فرلوگ آرزو کریں گے کاش وہ مسلمان ہوتے “۔ (ابن ابی حاتم وابن شاھین فی السنۃ والدیلمی)