٨٩٠١۔۔۔ ابوقلانہ سے روایت ہے کہ حضرت ابوالدرداء (رض) ایک شخص کے پاس سے گزرے جس سے کوئی گناہ سرزد ہوگیا تھا لوگ اسے گالیاں دے رہے تھے، آپ نے فرمایا : اگر تم اسے کسی کنوئیں میں پڑا پاتے تو اسے نہ نکالتے ؟ لوگوں نے کہا : کیوں نہیں ضرور نکالتے، آپ نے فرمایا : سو اپنے بھائی کو برا بھلا مت کہو اور اللہ تعالیٰ کا شکر کرو جس نے تمہیں عافیت بخشی، لوگوں نے کہا : آپ اس سے بغض نہیں رکھتے ؟ فرمایا : مجھے اس کے عمل سے بغض ہے جب وہ یہ کام چھوڑدے تو وہ میرا بھائی ہے۔ (ابن عساکر)