٨٩٢٤۔۔۔ اسودبن سریع (رض) سے روایت ہے فرمایا : میں رسول اللہ (صلی اللہ علیہ وآلہ وسلم) کے پاس آیا، میں نے عرض کیا : یارسول اللہ ! میں نے کچھ الفاظ میں اللہ تعالیٰ کی تعریف کی ہے اور کچھ میں آپ کی تعریف ہے، تو رسول اللہ (صلی اللہ علیہ وآلہ وسلم) نے فرمایا : جہاں تک تمہارے رب کا تعلق ہے تو وہ مدح کو پسند کرتا ہے جن الفاظ میں تو نے رب کی مدح کی ہے وہ سناؤ، اور جن الفاظ میں میری تعریف کی ہے وہ رہنے دو ، تو میں وہ اشعار پڑھنے لگا اتنے میں ایک گندمی رنگ ، لمبا، جس کی کنپٹیوں پر بال نہ تھے جو دونوں ہاتھوں سے کام کرتا تھا، اس نے اجازت چاہی ، تو مجھے رسول اللہ (صلی اللہ علیہ وآلہ وسلم) نے اس کے لیے خاموش کردیا، ابوسلمہ نے یہ بات پوچھی کہ آپ کو کیسے خاموش رہنے کو کہا، فرمایا : جیسے بلی کو اشارہ کیا جاتا ہے، وہ شخص آیا، اور تھوڑی دیر کے بعد گفتگو کرکے چلا گیا، میں پھر بدستور آپ (صلی اللہ علیہ وآلہ وسلم) کو اشعار سنانے لگا، پھر وہ شخص لوٹ آیا، پھر رسول اللہ (صلی اللہ علیہ وآلہ وسلم) نے مجھے اس کے لیے خاموش رہنے کو کہا، اور اس کی کیفیت بیان کی، میں نے عرض کیا : یارسول اللہ یہ کون ہے جس کی وجہ سے آپ مجھے خاموش کرادیتے ہیں ؟ آپ نے فرمایا : یہ شخص فضول باتوں کو پسند نہیں کرتا، یہ عمر بن خطاب ہے۔ (مسند احمد، نسائی، حاکم ، ابونعیم)