٨٩٣٥۔۔۔ امام شعبی سے روایت ہے فرمایا : حضرت عمر (رض) نے حضرت مغیرہ بن شعبہ (رض) کو خط لکھا جب وہ کوفہ کے گورنر تھے : اپنے پاس شعرا کو بلاکر ان سے جاہلیت اور اسلام کے اشعار سنوپھر ان کے بارے میں مجھے لکھو، تو مغیرہ بن شعبہ (رض) نے انھیں بلایا، لبیدبن ربیعہ سے کہا : جاہلیت اور اسلام کے جو اشعار تم نے کہے ہیں مجھے سناؤ، تو انھوں نے کہا : میں نے اس کا بدلہ سورة بقرہ اور سورة آل عمران اختیار کرلی ہے اور اغلب کرلی ہے اور اغلب عجلی سے کہا : مجھے شعر سناؤ تو انھوں نے کہا :
آپ زجزیہ اشعار سننا چاہتے ہیں یا قصیدہ ، آپ نے موجودہ بہترین چیز کا مطالبہ کیا ہے، تو حضرت مغیرہ بن شعبہ (رض) نے یہ کیفیت حضرت عمر (رض) کی طرف لکھی، تو حضرت عمر (رض) نے ان کی طرف جوابا لکھا، اغلب کے وظیفہ سے پانچ سودرھم کم کردو، اور لبید کے وظیفہ میں اضافہ کردو، تو اغلب نے حضرت عمر کی طرف سفر کیا، اور کہا : کیا اگر میں آپ کی بات مانوں پھر بھی آپ مجھے کم دیں گے ؟ تو حضرت عمر (رض) نے حضرت مغیرہ (رض) کی طرف لکھا : کہ اغلب کو پانچ سودرھم جو تم نے کم کردیئے تھے وہ واپس کردو اور لبید کے عطیہ میں اضافہ برقرار رکھو۔ (ابن سعد)