٨٩٤٤۔۔۔ حضرت حسن بصری سے روایت ہے کہ حضرت عمر (رض) کے پاس کچھ لوگ آئے، اور کہنے لگے : امیرالمومنین ہمارا ایک نوجوان امام ہے نماز پڑھانے کے بعد تک اشعار کا ایک بندنہ پڑھ لے اپنی جگہ سے نہیں اٹھتا، حضرت عمر (رض) نے فرمایا : ہمیں اس کے پاس لے چلو، کیونکہ اگر ہم نے اسے بلایا ہوتا تو وہ ہمارے بارے گمان کرتا کہ ہم نے اس کا کام روک دیا ہے چنانچہ وہ آپ کے ساتھ اٹھے اور اس نوجوان کے پاس آگئے، انھوں نے دروازہ کھٹکھایا تو وہ نوجوان باہر نکلا، اس نے پوچھا، امیرالمؤمین ! آپ یہاں کیوں آگئے ؟ مجھے بتایا ہوتا، حاضر خدمت ہوجاتا فرمایا : مجھے تمہارے متعلق ایک ناگوارخبر ملی ہے، اس نے کہا : امیرالمومنین میں آپ کی ناگواری دور کرنے کی کوشش کروں گا، میرے متعلق آپ کو کیا خبر ملی ہے ؟ آپ نے فرمایا : مجھے پتہ چلا ہے کہ تم گنگناتے ہو ؟ اس نے کہا : وہ ایک نصیحت ہے جس کے ذریعہ میں اپنے آپ کو نصیحت کرتا ہوں ، تو حضرت عمر (رض) نے فرمایا : کہو ! اگر اچھی بات ہوئی تو میں بھی تمہارے ساتھ کہوں گا اور قبیح ہوا تو میں تمہیں منع کردوں گا، تو اس نے کہا : میں اپنے دل کو جب بھی عتاب کرتا ہوں ، تو وہ لذتوں میں میری مشقت تلاش کرنے کے لیے لوٹ آتا ہے، مجھے زمانہ اپنی شرکشی میں کھیل کود کرتے دکھائی دیتا ہے، اس نے مجھے تھکا دیا ہے، اے برائی کے دوست ! یہ کیا بچپنا ہے، اس طرح کھیل کود میں عمر ختم ہوگئی ، وہ جوانی جو میں ظاہر ہوئی، چلی گئی، جبکہ ابھی تک میں نے اس سے اپنی خواہش پوری نہیں کی، اس کے بعد مجھے فنا کی امید ہے بڑھاپے نے مجھ پر میرا مطلب چھپا دیا ہے، میرے نفس کے لیے ہلاکت ہو میں اسے کسی خوبصورت اور ادب میں کبھی نہیں دیکھتا اے میرے نفس ! نہ تو رہے گا نہ خواہش، اللہ تعالیٰ سے ڈر، خوف اور اندیشہ کر، تو حضرت عمر (رض) روپڑے پھر فرمایا : اسی طرح ہر گنگنانے والے کو گنگنانا چاہیے، حضرت عمر (رض) نے فرمایا : میں کہتا ہوں
اے نفس نہ تو رہے گا اور نہ خواہش، موت کا انتظار کر خوف اور ڈر۔ (ابن السمعانی فی الدلائل)