٨٩٥١۔۔۔ (انس (رض)) قاضی ابوالفرج المعافی زکریا نے فرمایا : ہم سے ابوبکر محمد بن حسن بن دریدازدی نے بیان کیا کہ وہ فرماتے ہیں ہم سے عون بن علی، ان سے اوس بن صمعج نے وہ حضرت انس (رض) سے روایت کرتے ہیں کہ علاء بن یزید حضری نے نبی (صلی اللہ علیہ وآلہ وسلم) کے پاس آنے کی اجازت چاہی ، تو میں نے ان کے لیے اجازت چاہی، آپ نے اجازت دے دی، جب وہ اندر آئے تو رسول اللہ (صلی اللہ علیہ وآلہ وسلم) نے ان کے لیے (گھر کی) جگہ صاف کرائی ، پھر انھیں بٹھایا ، اور دونوں نے کافی دیر باتیں کیں۔
پھر آپ نے ان سے فرمایا : کیا تم قرآن اچھا پڑھ سکتے ہو ؟ انھوں نے عرض کیا : جی ہاں، پھر انھوں نے آپ کوسورہ عبس سنائی یہاں تک کہ سورة ختم ہوگئی، اور اس میں ان الفاظ کا اپنی طرف سے اضافہ کیا، وہی ذات ہے جس نے حاملہ کے پیٹ سے ایک دوڑتا ہوا ذی روح نکالا، جو انتڑیوں اور کے درمیان سے نکلتا ہے تو نبی (صلی اللہ علیہ وآلہ وسلم) نے ایک دم اونچی آواز سے کہا : علاء رک جاؤ، سورة ختم ہوچکی ہے، پھر فرمایا : علاء کیا تم شعر کی روایت کرتے ہو ؟ انھوں نے کہا : جی ہاں ، پھر آپ کو اشعار سنائے : کتنے ہی بغض رکھنے والے قبیلے ہیں جن کے دل کو گرفتار کرلیتا ہے، تیرا معمولی سلام ، کبھی حرامزادہ بھی بلند مقام پالیتا ہے، اگر وہ شرارت و فساد سنائے : کتنے ہی بغض رکھنے والے قبیلے ہیں جن کے دل کو گرفتار کرلیتا ہے، تیرا معمولی سلام، کبھی حرامزادہ بھی بلند مقام پالیتا ہے، اگر وہ شرارت و فساد کی کوشش کریں تو کرم نوازی سے معاف کردے، اگر وہ تجھ سے کوئی بات چھپائیں تو اس کے بارے میں مت پوچھ، کیونکہ اسے سن کر تجھے اذیت ہوتی، کیونکہ جو بات انھوں تمہارے بعد کہی تو وہ گویا کہی ہی نہیں گئی۔
تو رسول اللہ (صلی اللہ علیہ وآلہ وسلم) نے فرمایا : تم نے علاء بڑے اچھے اشعار کہے ہیں تم ان میں دوسروں سے زیادہ ماہر ہو، اشعار میں سے کچھ پر حکمت بھی ہیں، اور بعض باتیں جادو کا اثر رکھتی ہیں، تو ان کے کلام کی مثال گزرچکی ہے۔ (ابن النجار)