٨٩٧۔۔ اللہ تعالیٰ نے جو ہدایت اور علم مجھے عطا فرماکر بھیجا، اس کی مثال اس موسلادھار بارش کی سی ہے ، جو کسی زمین پر برسی۔ اب اس زمین کے ایک حصہ نے جو صاف ستھرا تھا اس پانی کو اندر جذب کیا، اور اس کے نتیجہ میں نباتات اگائے اور دوسری گھاس پھونس اگائی۔ اور زمین کا ایک دوسراحصہ جو نشیبی اور سخت تھا اس نے بھی پانی کو اپنے اندر روک لیا اللہ نے اس کے ذریعہ لوگوں کو نفع پہنچایا اور انھوں نے اس سے پانی پیا اور جانوروں کو پانی پلایا اور اپنی اپنی زمینوں کو بھی سیراب کیا اور اس کے علاوہ زمین کا ایک اور حصہ تھا جو بالکل چٹیل میدان تھا پانی کو اپنے اندر روکتا تھا نہ نباتات اگاتا تھا۔
تو یہ مثال اس شخص کی جس کو اللہ نے دین کا علم عطا کیا اور جو مجھے دے کر بھیجا گیا ہے اس کے ساتھ اس نے خوب نفع اٹھایا خود بھی سیکھا اور دوسروں کو سکھایا اور مثال ہے اس شخص کی جس نے اس کی طرف توجہ کے لیے سر تک اوپر نہ اٹھایا اور نہ اللہ کی اس ہدایت کو قبول کیا جس کے ساتھ مجھے مبعوث کیا گیا ہے۔ بخاری، مسلم، بروایت ابی موسیٰ۔