٨٩٨٠۔۔۔ ابوعبدالرحمن احمد بن مصب المروزی، جارود ابن زید، بہزبن حکیم عن ابیہ عن جدہ، فرماتے ہیں رسول اللہ (صلی اللہ علیہ وآلہ وسلم) نے فرمایا : کیا تم فاجر کا ذکر (بد) کرنے سے ڈرتے ہو ؟ اس کی برائی بیان کروتا کہ لوگ اسے پہچان لیں، ابوعبدالرحمن کہتے ہیں : میں نے جارود سے کہا : آپ کے علاوہ یہ حدیث کسی نے روایت نہیں کی، تو انھوں نے کہا : تمہیں حسن بصری کا قول معلوم ہے ؟ میں نے کہا : ان کا قول کیا ہے ؟ کہا : ہم سے درج بن مسافر نے یونس سے حضرت بصری سے روایت کی ہے کہ ان کے سامنے ایک شخص کا تذکرہ ہوا تو آُ نے اس کی غیبت کی، لوگوں نے کہا : ابوسعید ! ہمیں لگتا ہے کہ آپ نے اس شخص کی غیبت کی ہے ؟ آپ نے فرمایا : بدو اگر میں نے کسی صاحب حیثیت کی غیبت کی ہوتی تو غیبت ہوتی ، جو شخص گناہوں کا اظہار کرے اور انھیں چھپائے نہیں تو تمہارا اس کا ذکر (بد) کرنا نیکی ہے جو لکھی جاتی ہے اور جو گناہ کرکے لوگوں سے چھپائے تو اس کا ذکر (بد) تمہارے لیے غیبت ہے۔ (بیھقی فی الشعب)