٩١٣٩۔۔۔ (مسند عمر (رض)) عمروبن شعیب سے روایت ہے کہ رسول اللہ (صلی اللہ علیہ وآلہ وسلم) نے ایک شخص کو کوئی جگہ
دی تو اس نے غفلت برتی، کسی اور نے اسے لے کر آباد کرلیا، جب حضرت عمر خلیفہ بنے تو اس شخص نے وہ جگہ طلب کی، تو حضرت عمر نے فرمایا : تمہیں پتہ نہیں کہ فلاں شخص نے اسے کام میں لگاکر آباد کر رکھا ہے ؟ کیا وہ تمہارا غلام تھا ؟ تو اس نے کہا : مجھے وہ جگہ رسول اللہ (صلی اللہ علیہ وآلہ وسلم) نے دی تھی، تو حضرت عمر (رض) نے فرمایا : اگر وہ نبی (صلی اللہ علیہ وآلہ وسلم) کی (عطا کردہ) زمین نہ ہوتی تو اللہ تعالیٰ کی قسم میں تجھے وہ زمین نہ دیتا۔
عبدالرحمن بن عوف ! بنجرزمین اور عمارت کی قیمت لگاؤ، پھر جائیدادوالے کو اختیار دو چاہے تو زمین لے لے اور آباد کرنے والے کو آباد کردہ زمین دے دے اور اگر چاہے تو آباد کرنے والے دیدے اور اپنی بنجرزمین کی قیمت لینا چاہے تو ایسا بھی کرسکتا ہے اگر یہ رسول اللہ (صلی اللہ علیہ وآلہ وسلم) کی عطاکردہ جاگیرنہ ہوتی تو (اے مخاطب) میں تجھے اس میں سے کچھ بھی نہ دیتا۔ (عبدالرزاق وابوعبید فی الاموال)
کیونکہ اس شخص نے بےفکری اور غفلت کا مظاہرہ کیا اور دوسرے اس زمین کو ضائع ہونے سے بچایا اس لیے وہ انعام کا مستحق تھا