٩١٤۔۔ میری اور اس چیز کی مثال جو اللہ نے مجھے دے کر بھیجی ہے ایک شخص کی مانند ہے جو ایک قوم کے پاس آیا اور کہنے لگا اے قوم میں نے اپنی آنکھوں سے ایک لشکر دیکھا ہے اور میں کھلکم کھلا تم کو اس سے ڈرانے والاہوں سو نجات کی راہ پکڑو، نجات کی راہ پکڑو، پس ان میں سے ایک قوم نے اس کی اطاعت کی اور رات کے آخری پہر ہی کوچ کرگئے اور اطمینان کے ساتھ نجات پاگئے۔
اور دوسری قوم نے اس کی تکذیب کی اور اپنے اپنے مقام پر جمے رہے ، آخر کار صبح صبح دشمن کے لشکر نے ان کو آلیا، اور ان کو تباہ و برباد کردیا اور ان کی بیخ کنی کرڈالی۔ سو یہ مثال ہے اس جماعت کی جس نے میری اتباع کی اور میرے لائے ہوئے دین کی اتباع کی اور اس جماعت کی جس نے میری نافرمانی کی اور میرے لائے ہوئے دین حق کی تکذیب کی۔ بخاری مسلم، بروایت ابی موسیٰ۔