٩١٥١۔۔۔ (مسند عمر (رض)) عبیدہ سے روایت ہے کہ عیینہ بن حصن اور اقرع بن حابس (رض) حضرت ابوبکر الصدیق (رض) کے پاس آئے اور کہا : اے رسول اللہ کے خلیفہ ! ہمارے قریب ایک شواری زمین ہے جس میں نہ گھاس ہوتی ہے اور نہ کوئی فائدہ مندشے، آپ جب چاہیں اسے ہمارے لیے جدا کردیں ؟ شاید ہم اس میں کھیتی باڑی کرکے اس میں فصل لگائیں ، چنانچہ حضرت صدیق اکبر نے وہ زمین انھیں بطور جائیداد دے دی ، اور اس کے متعلق ایک تحریر بھی لکھی اور حضرت عمر (رض) کو اس کے متعلق گواہ بنادیا جبکہ وہ اس وقت لوگوں میں موجودنہ تھے۔
یہ دونوں حضرات حضرت عمر کے پاس چلے گئے تاکہ انھیں گواہ بنائیں ، حضرت عمر کو جب اس تحریر کا پتہ چلا تو اس دستاویز کو لے کر اس پر تھوک کر اسے مٹادیا، جس سے یہ دونوں ناراض ہوگئے، اور دونوں نے کوئی بری بات کہی حضرت عمر (رض) نے فرمایا : رسول اللہ (صلی اللہ علیہ وآلہ وسلم) اس وقت تمہاری دل جوئی کرتے تھے جب اسلام کی افرادی قوت کمزور تھی اور جب جبکہ اللہ تعالیٰ نے اسلام کو غلبہ عطا کردیا ہے ےتو تم دونوں جاؤ محنت کوشش کرو اللہ تعالیٰ دونوں پر مہربانی نہ کرے اگر تم دونوں رعایت کرو۔
دونوں حضرت صدیق کے پاس آئے، اور غصہ میں لال پیلے ہورہے تھے، دونوں نے کہا : اللہ کی قسم ! ہمیں یہ معلوم نہیں کہ خلیفہ آپ ہیں یا عمر ؟ آپ نے فرمایا : نہیں بلکہ عمر لہی خلیفہ ہے اور اگر چاہتا تو بن جاتا، اتنے میں حضرت عمر بھی غصہ سے بھرے ہوئے آگئے، اور حضرت ابوبکر کے سر پر آکھڑے ہوئے اور کہا : مجھے اس زمین کے بارے میں بتاؤ جو آپ نے ان دونوں آدمیوں کو جاگیر میں دے دی ہے، کیا یہ صرف آپ کی زمین ہے یا تمام مسلمانوں کے درمیان مشترک ہے ؟ حضرت عمر نے کہا : تو پھر آپ کو کسی بات نے مجبور کیا ہے کہ مسلمانوں کی جماعت کو چھوڑ کر صرف ان دونوں کو مخصوص کیا ہے ؟ آپ نے فرمایا : میں نے ان لوگوں سے مشورہ لیا تھا جو تمہارے اردگرد بیٹھے ہیں، تو انھوں نے مجھے اسی کا مشورہ دیا، حضرت عمر نے کہا : کیا صرف ان لوگوں کے مشورے پر جو میرے اردگرد بیٹھے ہیں آپ نے تمام مسلمانوں کے مشورے اور رضا کو کافی سمجھا ہے ؟ تو حضرت ابوبکر نے فرمایا : میں نے تمہیں پہلے کہا تھا کہ اس (خلافت) کے معاملہ میں تم مجھ سے زیادہ طاقتورہو، لیکن تم مجھ پر غالب آگئے۔ (مصنف ابن ابی شیبہ، بخاری فی تاریخہ و یعقوب بن سفیان ، بیھقی ، ابن عساکر)
تشریح :۔۔۔ یہ ہے ان لوگوں کا حال ، جن پر ایک متعصب، ہٹ دھرم ، عقل کی اندھی قوم ، غصب، خیانت ، اقرباپروری اور دوسرے غلط الزام لگاتی ہے۔