٩١٦٩۔۔۔ محمد بن زیادہ سے روایت ہے کہ میرے دادا حضرت عثمان بن مظعون کے غلام تھے، وہ عثمان کی زمین کے نگران تھے، اس زمین میں سبزی اور ترکاری تھی فرماتے ہیں : کبھی کبھار حضرت عمر بن خطاب (رض) دوپہر کے وقت آتے اور میں انھیں سبزیاں اور ترکاریاں کھلاتا ، ایک دن آپ نے مجھے کہا : میں نے تمہیں یہاں سے باہر جاتے ہوئے کبھی نہیں دیکھا ؟ میں نے کہا : جی ہاں، آپ نے فرمایا : میں نے تمہیں یہاں کا نگران بنادیا، سو جس شخص کو دیکھو کہ وہ درخت کاٹ رہا ہے تو اس کی کلہاڑی اور رسی لے لو، میں نے کہا : اس کا توشہ بھی لے لوں ؟ آپ نے فرمایا : نہیں ۔ (بیھقی)