9260 ۔۔۔ فرمایا کہ ” تم میں سے کسی شخص کا اپنے منہ مٹی ڈال لینا بہتر ہے اس سے کہ اس چیز کو اپنے منہ میں ڈالے جسے اللہ تعالیٰ نے حرام قرار دیا ہے “۔ (شعب الایمان بیھقی بروایت حضرت ابوھریرہ (رض) )
فائدہ :۔۔۔ حرام مال کی مذمت اور برائی تو مذکورہ احادیث کے مضامین سے واضح ہے اور مختلف مضامین سے یہ بتادیا کہ حرام مال کئی قسم کا ہوسکتا ہے وہ مال بھی حرام ہے جو کسی پر ظلم و ستم کے نتیجے میں حاصل ہو، ایسے مال کا انجام بھی بتادیا کہ جو شخص ایسا مال کمائے گا وہ لگے گا بھی ایسے ہی راستے میں گھر میں ہلاکتیں ہوں گی طرح طرح کی لاعلاج اور خطرناک بیماریاں پیدا ہوں گی اور اسی طرح دیگر مصائب۔
پھر اگر اس حاصل شدہ حرام مال میں سے آرام و آسائش کی کچھ چیزیں کپڑے وغیرہ خریدنے کی نوبت آبھی گئی تو اس کا بھی انجام بتادیا کہ جب تک ایسے کپڑے کی ایک دھجی بھی جسم پر ہوگی تو نماز قبول نہ ہوگی۔
اور جان بوجھ کر بھی چوری شدہ مال خریدنے میں چونکہ چور کی مددواعانت کا پہلو نکلتا ہے اس لیے وہ بھی ٹھیک نہیں
کیونکہ اس سے چور اور زیادہ گرمی چوریاں کرنے لگے گا اور پکڑے جانے پر ذلت الگ ؟ کیونکہ چور کہہ سکتا ہے کہ میں تو فلاں شخص کے لیے چوری کرتا ہوں، کیونکہ وہ میرا مال خرید لیتا ہے اسی لیے فرمادیا کہ جانتے بوجھتے ہوئے ایسا مال خریدنے پر خریدار ذلت شرمندگی اور چوری کے گناہ میں بھی شریک ہوگا جیسا کہ قاعدہ بھی ہے کہ چوری کا مال خریدنے والے کو بھی چور کا ساتھ سمجھ کر ذلیل شرمندہ کیا جاتا ہے۔
اور پھر یہ بتادیا کہ چوری کا مال کھانا بہتر نہیں بلکہ اس سے بہتر تو مٹی پھانک لینا ہے کیونکہ اگر چوری کا مال کھا بھی لیا تو اس سے حاصل ہونے والی جسمانی توانائی اور نشو و نما جہنم میں لے جانے کا باعث ہوگی اس لیے حرام سے بچنا ہی بہتر ہے تاکہ مبتلا ہونا۔ (مترجم)