9794 ۔۔۔ فرمایا کہ ” سونے کے بدلے سونا اس کی ڈلی اور اس کا اصل ، اور چاندی کے بدلے چاندی اس کی ڈلی اور اس کا اصل ، گندم کے بدلے گندم دومد کے بدلے دومد، کھجور کے بدلے کھجور دومد کے بدلے دومد، نمک کے بدلے نمک دومد کے بدلے دو مد پھر اگر کسی نے اضافہ کیا یا کروانا چاہا تو اس نے سود لیا، اور سونے کو چاندی کے بدلے اور چاندی کو سونے کے بدلے بیچنے میں کوئی حرج نہیں خواہ چاندی زیادہ ہو لیکن دست بدست ہو، رہا ادھار تو وہ جائز نہیں، اور گندم کو جو کے بدلے میں بیچنے میں کوئی حرج نہیں۔ (ابوداؤد، نسائی، عن عبادۃ بن الصامت (رض) )
فائدہ :۔۔۔ یعنی ان چیزوں میں ادھار خریدو فروخت جائز نہیں، اور مد ایک وزن ہے جو اڑسٹھ تولے اور تین ماشہ کے برابر ہوتا ہے (دیکھیں بہشتی زیور حصہ ص 14) اس سلسلے میں حضرت مولانا مفتی شفیع عثمانی صاحب کا رسالہ اوزان شرعیہ دیکھنا بھی بہت مناسب ہوگا “
اور یہ جو فرمایا کہ دومد کے بدلے دومدتو اس سے یہ مراد نہیں کہ اس سے کم یا زیادہ خریدو فروخت نہیں ہوسکتی بلکہ مراد یہ ہے کہ اگر ایک اگر چار ہو تو دوسرا بھی چار، واللہ اعلم بالصواب۔ (مترجم)