9862 ۔۔۔ عمروبن الحصین سے مروی ہے فرماتے ہیں کہ ہمیں ابن علاثہ نے اور ان کو عبد الرحمن بن اسحق نے بکر بن عبداللہ المزنی سے اور انھوں نے بدربن عبداللہ المزنی سے روایت کیا فرماتے ہیں کہ میں نے عرض کیا یا رسول اللہ ! میں ایک جنگجو یا ہنر مند آدمی ہوں، میرا مال نہیں بڑھتا تو رسول اللہ (صلی اللہ علیہ وآلہ وسلم) نے مجھ سے فرمایا کہ اے بدربن عبداللہ، جب صبح ہو تو یہ پڑھا کرو :
” بسم اللہ علی نفسی، بسم اللہ علی اھلی ومالی، اللھم رضنی بما قضیت لی، وعافنی فیما ابقیت، حتی لا احب تعجیل مااخرت ولا تاخیرماعجلت “
ترجمہ :۔۔۔ اللہ کے نام سے میرے نفس پر میرے اہل اور مال پر اللہ کے نام سے، اے اللہ ! مجھے راضی کر دیجئے اپنے اس فیصلے پر جو آپ (صلی اللہ علیہ وآلہ وسلم) نے میرے لیے فرمایا ہے اور عافیت دیجے اس میں جو آپ نے میرے لیے بچایا ہے، یہاں تک کہ میں اس کام میں جلد بازی نہ کروں جس کو آپ نے موخر کردیا ہے اور اس کام میں تاخیر پسند نہ کروں جس کا آپ نے جلدی ہونا طے کیا ہے۔ (انتھی)
فرمایا ہیں کہ میں ان کلمات کو پڑھا کرتا تھا تو اللہ تعالیٰ نے میرا مال بڑھا دیا اور مجھ سے قرض بھی ادا کروا دئیے اور مجھے میرے گھر والوں کو غنی کردیا۔ (ابن مندہ، ابونعیم اور عمر بن الحصین)