9880 ۔۔۔ حضرت علی (رض) ارشاد فرماتے ہیں کہ میں سحری کے وقت کچھ دیر کے لیے جناب نبی کریم (صلی اللہ علیہ وآلہ وسلم) کی خدمت میں حاضر ہوا کرتا تھا تو جب میں آتا تو اجازت لیا کرتا تھا۔ لہٰذا میں اگر آپ (صلی اللہ علیہ وآلہ وسلم) کو نماز تسبیح وغیرہ میں مصروف پاتا تو داخل ہوجاتا اور اگر آپ (صلی اللہ علیہ وآلہ وسلم) فارغ ہوتے تو مجھے اجازت عطا فرما دیتے، چنانچہ اسی طرح ایک رات میں جناب نبی کریم (صلی اللہ علیہ وآلہ وسلم) کی خدمت میں حاضر ہو۔ آپ (صلی اللہ علیہ وآلہ وسلم) نے مجھے اجازت دی اور ارشاد فرمایا کہ ” میرے پاس فرشتہ آیا “ یا یہ فرمایا کہ میرے پاس حضرت جبرائیل (علیہ السلام) تشریف لائے میں نے ان سے کہا تشریف لائیے، تو انھوں نے کہا کہ آنجناب کے گھر میں کچھ ایسی چیزیں ہیں کہ اندرداخل نہیں ہوسکتا، تو میں ادھر ادھر گھر میں نظر دوڑائی اور کہا کہ مجھے تو کچھ نہیں ملا، حضرت جبرائیل (علیہ السلام) نے فرمایا جی ہاں لیکن پھر دیکھئے، میں نے دیکھا تو ایک کتے کا پلہ تھا جو حسین (رض) کا تھا اور چارپائی کے پائے سے بندھا ہوا تھا ام سلمۃ (رض) کے گھر میں حضرت جبرائیل (علیہ السلام) نے فرمایا، بیشک فرشتے نے یہ کہا کہ بیشک ہم فرشتوں کا گروہ ایسے گھروں میں داخل نہیں ہوتے جہاں تصویر، یا کتا یا جنبی ہو “۔ (متفق علیہ)