9882 ۔۔۔ حضرت علی (رض) فرماتے ہیں کہ جناب نبی کریم (صلی اللہ علیہ وآلہ وسلم) کے ہاں میرا ایک خاص مقام تھا جو مخلوقات میں میرے علاوہ اور کسی کا نہ تھا، چنانچہ میں ہر رات سحری کے وقت آپ (صلی اللہ علیہ وآلہ وسلم) کے پاس تشریف لاتا اور آپ (صلی اللہ علیہ وآلہ وسلم) کو کھنکھار کر سلام کرتا، لہٰذا اسی طرح ایک رات میں آپ (صلی اللہ علیہ وآلہ وسلم) کی خدمت اقدس میں حاضر ہوا، اور سلام کیا اور عرج کیا کہ اے اللہ کے نبی ! آپ پر سلامتی ہو، فرمایا، وہیں ٹھہرواے ابوالحسن ! میں تمہارے پاس آتا ہوں، جب آپ (صلی اللہ علیہ وآلہ وسلم) میرے پاس تشریف لائے تو میں نے عرض کیا کہ، یا رسول اللہ کیا آپ کو کسی نے غصہ دلایا ؟ فرمایا نہیں، میں نے پھر عرض کیا کہ پھر کیا مسئلہ ہے کہ آپ نے مجھ سے کل سے بات نہیں کی اور آج کررہے ہیں ؟ فرمایا میں نے حجرے میں کچھ حرکت سنی تھی، میں نے پوچھا کون ہے ؟ تو کہنے والے نے کہا میں جبرائیل ہوں، میں نے کہا اندر آجائیے تو حضرت جبرائیل (علیہ السلام) نے عرض کیا نہیں، آپ باہر تشریف لائیے، لہٰذا جب میں باہر نکلا تو جبرائیل نے کہا، ہمارے گھر میں کوئی چیز ہے، وہ چیز جب تک گھر میں ہو کوئی فرشتہ گھر میں داخل نہیں ہوسکتا، میں نے کہا کہ میں نہیں جانتا اے جبرائیل ! جبرائیل نے کہا کہ آپ دوبارہ تشریف لے جائیے اور دیکھئے ، لہٰذا میں گیا اور گھر کھولا تو اس میں ایک کتے کے بچے کے علاوہ ایسی اور کوئی چیز نہ ملی، اس سے حسن کھیلتا تھا، میں نے جبرائیل سے کہا کہ مجھے تو ایک پلے کے علاوہ کچھ نہ ملا، تو جبرائیل (علیہ السلام) نے کہا کہ تین چیزیں ایسی ہیں کہ جس گھر میں جب تک ہوں گی کوئی فرشتہ اس میں داخل نہیں ہوسکتا، ان میں سے ایک کتا ہے، یا جنابت ہے یا تصویر ہے۔ (مسند احمد، نسائی، ابن ماجہ، ابن خدیج، سنن سعید بن منصور)