9953 ۔۔۔ حضرت سالم الخیاط فرماتے ہیں کہ حضرت عثمان (رض) ایک شخص کے ساتھ زمین کے ایک ٹکڑے کا سودا کرنے لگے یہاں تک کہ بیع واجب ہوگئی یا واجب ہونے کے قریب ہوگئی تو اس آدمی نے کہا کہ خدا کی قسم میں زمین آپ کی تحویل میں اس وقت تک نہ دوں گا جب تک آپ مجھے مزید دس ہزار نہ دیں گے، یہ سن کر حضرت عثمان (رض) ایک شخص کی طرف متوجہ ہوئے اور فرمایا تم جانتے ہو کہ رسول اللہ (صلی اللہ علیہ وآلہ وسلم) نے فرمایا کہ اللہ تعالیٰ رحم فرمائے اس شخص پر جو فیصلہ کرنے میں درگزر سے کام لے، اور کروانے میں بھی ؟ اس شخص نے کہا ہاں، تو حضرت عثمان (رض) نے اس زمین والے کو دس ہزار مزید دئیے اور زمین کا قبضہ لے لیا “۔ (مسند ابی یعلی)