9964 ۔۔۔ معمر نے ربیعۃ سے اور انھوں نے ابن المسیب کے حوالے سے بتایا، فرماتے ہیں کہ جناب رسول اللہ (صلی اللہ علیہ وآلہ وسلم) نے فرمایا کہ تولیہ، اقالہ اور شرکت برابر ہیں ان میں کوئی حرج نہیں۔
جبکہ ابن جریج کہتے ہیں کہ مجھے ربیعۃ بن عبدالرحمن نے مدینہ میں جناب نبی کریم (صلی اللہ علیہ وآلہ وسلم) کی ایک مستفیض حدیث بیان کی کہ آپ (صلی اللہ علیہ وآلہ وسلم) نے فرمایا جس نے کھانا خریدا تو اس کو اس وقت تک نہ بیچے جب تک اپنے قبضے میں نہ لے لے اور پورا وصول نہ کرلے، البتہ مگر یہ کہ اس میں کسی کو شریک کرلے یا تولیہ کرلے یا اقالہ کرلے “۔ (عبدالرزاق)
فائدہ :۔۔۔ تولیہ : ایسی بیع کو کہتے ہیں جس میں مال کو قیمت خرید پر ہی بیچ دیا جائے مثلاً ایک چیز دس روپے کی خریدی اور دس روپے ہی کی بیچ دی۔
اقالہ کہتے ہیں بیع کے معاملہ کو فسخ (Coucod ) کرنے کو، اور شرکت کاروبار، میں کسی کو اپنے ساتھ شریک کرنے یا خود کسی کے ساتھ شریک ہونے کو کہتے ہیں۔ واللہ اعلم بالصواب۔ (مترجم)