9966 ۔۔۔ حضرت ابن عمرر ضی اللہ عنہ فرماتے ہیں کہ جناب نبی کریم (صلی اللہ علیہ وآلہ وسلم) مدینہ منورہ کے بازار سے گزر رہے تھے کہ آپ (صلی اللہ علیہ وآلہ وسلم) نے ایک کھانے کی چیز دیکھی جس کا حسن آپ (صلی اللہ علیہ وآلہ وسلم) کو پسند آیا، چنانچہ آپ (صلی اللہ علیہ وآلہ وسلم) وہاں ٹھہرگئے اور اس کھانے کی چیز کے ڈھیر میں اپنا ہاتھ مبارک داخل فرمایا، اور اس کا ایسا حصہ نکالا جو اس کے اوپری ظاہری حصے کی طرح نہ تھا، تو آپ (صلی اللہ علیہ وآلہ وسلم) نے بیچنے والے کی اس حرکت پر افسوس کا اظہار کیا اور پھر پکار کر فرمایا، اے لوگو ! مسلمانوں میں کوئی دھوکا بازی نہیں ہے، جس نے ہمیں دھوکا دیا اس کا ہمارے ساتھ کوئی تعلق نہیں “۔ (ابن النجار)