9994 ۔۔۔ حضرت عبید اللہ بن عبداللہ بن عتبۃ سے مروی ہے فرماتے ہیں کہ حضرت عبداللہ بن مسعود (رض) نے ارادہ کیا کہ اپنی اھلیہ سے ایک باندی کو خرید لیں جس سے وہ خلوت کرسکیں، تو ان کی اھلیہ نے کہا کہ میں وہ باندی آپ پر اس وقت تک نہ بیچوں گی جب تک ایک شرط نہ مقرر کرلوں، اور شرط یہ ہے کہ اگر آپ نے اس باندی کو بیچا تو میں اس کی قیمت کی حقدار ہوں گی تو آپ (رض) نے فرمایا ٹھیک ہے لیکن پہلے میں حضرت عمر (رض) سے پوچھ لوں، تو حضرت عمر (رض) نے فرمایا، کہ اس کی قربت مت اختیار کرو اس حال میں کہ اس میں کسی کی شرط ہو۔ (عبدالرزاق، ابن ابی شیبہ، متفق علیہ)