Maarif ul Hadith: Hadith 1248

حضرت جابر رضی اللہ عنہ سے روایت ہے کہ میں نے رسول اللہ ﷺ کو ایک دفعہ ہاتھ اٹھائے بارش کے لئے اس طرح دعا کرتے ہوئے دیکھا ، آپ ﷺ بارگاہِ خداوندی میں عرض کر رہے تھے : “اللَّهُمَّ اسْقِنَا غَيْثًا مُغِيثًا، مَرِيئًا مَرِيعًا، نَافِعًا غَيْرَ ضَارٍّ، عَاجِلًا غَيْرَ آجِلٍ” (اے اللہ ! ہم پر ایسی بھرپور بارش نازل فرما جو زمین کے لئے موافق اور سازگار ہو ، کھیتوں میں سرسبزی اور شادابی لائے ۔ اس سے نفع ہی نفع ہو نقصان بالکل نہ ہو ۔ اے اللہ ! جلدی نازل فرما دیر نہ ہو) حضرت جابرؓ کہتے ہیں کہ آپ ﷺ کے دعا کرتے کرتے آسمان پر گھٹا چھا گئی اور بھرپور بارش ہوئی ۔ (سنن ابی داؤد)