Maarif ul Hadith: Hadith 1666

حضرت ابو ہریرہ رضی اللہ عنہ سے روایت ہے کہ رسول اللہ ﷺ جب کرتا پہنتے تو داہنی جانب سے شروع فرماتے ۔ (جامع ترمذی)

تشریح
اس حدیث میں کرتے کا ذکر بطورِ مثال سمجھنا چاہئے ۔ حضرت ابو ہریرہ ہی سے یہ حدیث بھی مروی ہے کہ حضور ﷺ نے ہدایت فرمائی کہ : “جب کپڑا پہنا جائے ، یا وضو کیا جائے تو داہنے اعضاء سے شروع کیا جائے” ۔

بائیں اعضاء کے مقابلے میں داہنے اعضاء کو جو فضیلت حاصل ہے اور اس کی جو لِمْ ہے اس کا ذکر “آدابِ طعام” کے ذیل میں کیا جا چکا ہے ۔ اسی فضیلت کی وجہ سے رسول اللہ ﷺ کا معمول تھا کہ لباس میں داہنی طرف سے ابتداء فرماتے تھے ، یعنی جو کپڑا پہنتے ، داہنی جانب سے پہننا شروع فرماتے ۔