Maarif ul Hadith: Hadith 1685

حضرت حسن بصری سے روایت ہے کہ مجھے یہ بات پہنچی ہے کہ رسول اللہ ﷺ نے ارشاد فرمایا کہ : خدا کی لعنت ہے دیکھنے والے پر اور اس پر جس کو دیکھا جائے ۔ (شعب الایمان للبیہقی)

تشریح
مطلب یہ ہے کہ جو کوئی کسی نامحرم عورت کو یا کسی کے ستر کو (جس کا دیکھنا حرام ہے) دیکھے ، تو اس پر خدا کی طرف سے لعنت ہے ، یعنی رحمت سے محرومی کا فیصلہ ہے اور اسی طرح وہ بھی رحمت خداوندی سے محروم ہے جس نے قصداً دیکھنے والے کو دیکھنے کا موقع دیا اور دکھایا ۔