حضرت عائشہ صدیقہ رضی اللہ عنہا سے روایت ہے کہ رسول اللہ ﷺ جب رات کو نمازِ تہجد کے لئے کھڑے ہوتے تو بالکل شروع میں اللہ تعالیٰ کے حضور میں عرض کرتے : “اللهُمَّ رَبَّ جَبْرَائِيلَ، وَمِيكَائِيلَ الخ” اے امیرے اللہ ! جبرائیل و میکائیل اور اسرافیل کے پروردگار ! زمین و آسمان کو پیدا کرنے والے غیب اور شہود کو یکساں جاننے والے ، تو ہی فیصلہ فرمائے گا بندوں کے درمیان ان کے اختلافات کے بارے میں ، مجھے اپنی خاص توفیق سے اس راہِ حق و ہدایت پر چلا جس کے بارے میں لوگوں میں اختلاف ہو گیا ہے ، تو ہی جسے چاہے گا سیدھے راستہ پر چلائے گا ۔ (صحیح مسلم)