حضرت جابر رضی اللہ عنہ سے روایت ہے کہ ابو الہیثم بن التیہان نے اپنے ہاں کھانا تیار کرایا اور رسول اللہ ﷺ اور آپ ﷺ کے ساتھیوں کی دعوت کی جب سب کھانا کھا کے فارغ ہو گئے تو رسول اللہ ﷺ نے فرمایا کہ : “اپنے بھائی کو بدلہ دو ۔ عرض کیا گیا کہ : حضور ﷺ ! ان کو کیا بدلہ دیا جا سکتا ہے ؟ آپ ﷺ نے فرمایا : “جب کسی بھائی کے گھر جائیں اور وہاں کھائیں پیئں اور پھر اس کے لئے خیر و برکت کی دعا کریں تو بس یہی بندوں کی طرف سے اس کا بدلہ ہے” ۔ (سنن ابی داؤد)