حضرت انس رضی اللہ عنہ سے روایت ہے کہ ہم ایک سفر میں رسول اللہ صلی اللہ علیہ وسلم کے ساتھ تھے تو ہم میں سے بعضے روزے رکھتے تھے ، اور بعضے روزے قضاء کرتے تھے تو ایک دن جب کہ سخت گرمی تھی ہم ایک منزل پر اترے ، تو روزے رکھنے والے تو گر گئے اور پڑ گئے اور جو روزے قضا کرنے والے تھے وہ اٹھے ، انہوں نے سب کے لیے خیمے لگائے اور سب کی سواریوں کو (یعنی سواری کے اونٹوں) کو پانی پلایا ۔ رسول اللہ صلی اللہ علیہ وسلم نے فرمایا کہ : آج روزے قجاء کرنے والے ثواب مار لے گئے ۔ (یعنی انہوں نے زیادہ ثواب کما لیا) ۔ (صحیح بخاری و صحیح مسلم)