Mishkaat Shareef: Hadith 758

اور حضرت نافع فرماتے ہیں کہ حضرت عبداللہ ابن عمر (رض) جب نماز شروع کرتے تو تکبیر کہتے اور اپنے دونوں ہاتھ اٹھاتے اور جب رکوع میں جاتے تو دونوں ہاتھ اٹھاتے اور جب سمع اللہ لمن حمدہ کہتے تو دونوں ہاتھ اٹھاتے اور جب دو رکعتیں پڑھ کر اٹھتے تب بھی دونوں ہاتھ اٹھاتے تھے۔ حضرت عبداللہ ابن عمر (رض) اس حدیث کو رسول اللہ ﷺ تک پہنچی ہوئی نقل کرتے تھے (یعنی وہ کہتے تھے کہ رسول اللہ ﷺ نے بھی اسی طرح کیا ہے) ۔ (صحیح البخاری)