اور حضرت عبداللہ ابن عمر (رض) نبی کریم ﷺ سے روایت کرتے ہیں کہ آپ ﷺ نے فرمایا صور ایک سینگ ہے جس کو پھونکا جائے گا۔ ( ترمذی)

تشریح
جس کو پھونکا جائے گا کا مطلب یہ ہے کہ اس کو حضرت اسرافیل (علیہ السلام) اللہ تعالیٰ کے حکم سے دو مرتبہ پھونکیں گے ایک بار تو سب کو مارنے کے لئے اور دوسری بار سب جگانے کے لئے۔ بعض حضرات نے بیان کیا ہے کہ اس سینگ یعنی صور کا وہ سرا جس کو حضرت اسرافیل (علیہ السلام) اپنے منہ میں لگائے پھونکنے کے لئے تیار بیٹھے ہیں، گول ہے اور اس کی گولائی زمین اور آسمانوں کے برابر ہے۔